कोल्हापूर : ‘पोस्टर बोइज’ आणि ‘पोस्टर गर्ल’ या धमाल ‘मॅड कॉमेडी’ चित्रपटांच्या माध्यमातून महाराष्ट्र गाजवल्यानंतर समीर पाटील आता ‘शेंटीमेंटल’ या नवीन चित्रपटाद्वारे प्रेक्षकांना हसून हसून मेंटल बनवायला सज्ज झाले आहेत. सामाजिक प्रश्नांवर विनोदी शैलीत भाष्य करणारा दिग्दर्शक अशी समीर पाटील यांची ओळख झाली आहे. त्यामुळे मराठी सिनेसृष्टीमध्ये ‘शेंटीमेंटल’ या नवीन चित्रपटाबद्दल कमालीची उत्सुकता आहे.
आर. आर पी. कॉर्पोरेशन आणि बनी डालमिया प्रस्तुत ‘ई. सी. एम. पिक्चर्स’ निर्मित असणाऱ्या या चित्रपटाचे अजून एक महत्त्वाचे वैशिष्ट्य म्हणजे विनोदाच्या अचूक टायमिंगसाठी प्रसिद्ध असलेले अशोक सराफ प्रदीर्घ काळानंतर महत्त्वाच्या भूमिकेत दिसणार आहेत. त्यामुळे या चित्रपटाबद्दल प्रेक्षकांमध्ये ‘शॉल्लिड’ क्रेझ निर्माण झाली आहे.
उपेंद्र लिमये, विकास पाटील, पल्लवी पाटील, सुयोग गोरे, रघुवीर यादव आदी कलाकारांचा समावेश असणारा हा चित्रपट येत्या २८ जुलै रोजी प्रदर्शित होणार आहे.